Microsoft  གིས་བོད་ཡིག་རྒྱབ་སྐྱོར་བྱེད་ཡོད་པའི་བཀོད་སྤྱོད་རྒྱུན་ཁོངས་གསར་པ་ Windows Vista ཁྲོམ་བསྒྲགས་བྱེད་པ།

༢༠༠༧ལོའི་ཟླ་བ་༡ པོའི ༣༠ ཉིན་ Microsoft གིས་འཛམ་བུ་གླིང་ཚོང་ར་ཐོག་བཀོད་སྤྱོད་རྒྱུན་ཁོངས་གསར་པར་Windows vista དང་ Office༢༠༠༧གཞུང་ལས་མཉེས་ཆས་གཉིས་གོམ་ཉམས་ཀྱིས་ཁྲོམ་བསྒྲགས་བྱེད་ཡོད།

Windows བཀོད་སྤྱོད་རྒྱུན་ཁོངས་ Windows Vista ལ་རིམ་སྤར་དགོས་པའི་རྒྱུ་མཚན་ནི་མང་པོ་ཡོད་པ། ཡིན་ནའང་རྒྱ་ཆེ་བོད་ཡིག་བེད་སྤྱོད་བྱེད་མཁན་རྣམས་ལ་བཀག་མི་ཐུབ་པའི་རྒྱུ་མཚན་དེ་ནི་Windows Vista ནང་ཕྱོགས་ཡོངས་ནས་བོད་ཡིག་ལ་རྒྱབ་སྐྱོར་བྱེད་ཡོད་པ་རེད།

Windows Vista དེ་ནི་སྔོན་ནས་ད་བར་འཛམ་གླིང་ཁྱབ་ཁོངས་ནང་ཕྱོགས་ཡོངས་ནས་བོད་ཡིག་རྒྱབ་སྐྱོར་གནང་ཡོད་པའི་རྩིས་འཁོར་གྱི་བཀོད་སྤྱོད་རྒྱུན་ཁོངས་ཨང་དང་པོ་དེ་རེད།  དེ་སྔོན་དུ་འཛམ་གླིང་ཐོག་བཀོད་སྤྱོད་རྒྱུན་ཁོངས་གང་ཞིག་གིས་རྒྱུན་ཁོངས་ཐོག་ནས་དངོས་སུ་བོད་ཡིག་ལ་རྒྱབ་སྐྱོར་གནང་མྱོང་མེད་པ།

Windows Vista ནང་གི་བོད་ཡིག་ནི་གཏན་འཁེལ་བྱེད་པའི་བོད་ཡིག་ཨང་རྟགས་ཚོགས་རྒྱལ་སྤྱི་ཚད་ལྡན་Unicode ལ་གཞིར་བཟུང་ཞིག་རེད།

Windows Vista གིས་བོད་ཡིག་གི་སྒྲིག་གཅོད་བྱེད་ཐུབ་པའི་ནུས་པ་ནི་དབྱི་ཇི་དང་རྒྱ་ཡིག་ལ་འདྲ་བའི་རིམ་པ་སླེབས་ཡོད་པ།   དབྱི་ཇི་དང་རྒྱ་ཡིག་གིས་གང་བྱེད་ཐུབ་པ་དེ་བོད་ཡིག་གིས་ཡང་བྱེད་ཐུབ་པ།   བོད་ཡིག་གི་ཡི་གེ་ནང་འཇུག་ནས་བོད་ཡིག་པར་སྒྲིག་གཅོད།  བོད་ཡིག་གློག་ཡིག་གཏོང་ལེན།  བོད་ཡིག་དྲ་གནས་འཛུགས་སྐྲུན།  བོད་ཡིག་ཉེར་སྤྱོད་མཉེན་ཆས་ཀྱི་གསར་སྤེལ།  བོད་ཡིག་སློབ་དེབ་ཀྱི་བཟོ་སྐྲུན་བཅས།  ད་ནས་བོད་ཡིག་རྩིས་འཁོར་འཛམ་གླིང་ཐོག་ཐོགས་མེད་བེད་སྐྱོད་བྱེད་ཐུབ་པ།

མིག་སྔ་རྒྱལ་ཕྱི་རྒྱལ་ནང་དུ་བོད་ཡིག་ཡིག་གཟུགས་བཅུ་ལྷག་ཙམ་ཡོད་པ།  ཡིན་ནའང་བོད་ཡིག་རྒྱལ་སྤྱི་ཚད་ལྡན་ཨང་རྟགས་ཚོགས་ལ་གཞིར་བཟུང་པ་གཅིག་ཡང་མེད་པར།   དེ་འདྲ་ཨང་རྟགས་རྙོག་འཛིན་གྱི་གནས་ཚུལ་དེས་བོད་ཡིག་རྩིས་འཁོར་བེད་སྤྱོད་བྱེད་མཁན་རྣམས་ལ་སྟབས་བེད་ཤིན་ཏུ་མེད་པར།    ཨང་རྟགས་མ་འདྲ་བའི་རྐྱེན་གྱིས་སྤྱོད་མཁན་ཕན་ཚུལ་སྐྱེལ་འདྲེན་དང་ཡིག་ཆ་བརྗེ་རེས་བྱེད་ཐབས་མེད་པ།   ཡང་བོད་ཡིག་ཉེར་སྤྱོད་མཉེན་ཆས་ཀྱིས་གསར་སྤེལ་ཡང་བྱེད་ཐབས་མེད་པ།  ང་རང་ཚོའི་བོད་ཡིག་ཆ་འཕྲིན་ལག་རྩལ་གྱི་འཕེལ་རྒྱས་དང་བོད་ཡིག་ཆ་འཕྲིན་ཅན་ལ་འཛུག་ས་སྐྲུན་བྱེད་བ་བཀག་འགོག་ཚབས་ཆེན་བྱེད་ཡོད་པ་རེད།

Windows Vista གིས་ང་ཚོ་ལ་རོགས་རོམ་གནང་ནས་རྩིས་འཁོར་ནང་བོད་ཡིག་ཨང་རྟགསརྙོག་འཛིན་གྱི་གནས་ཚུལ་དེ་མེད་པ་བཟོས་ནས།  ཐ་ན་རྒྱལ་ཡོངས་དང་འཛམ་གླིང་ཁུངས་ཡོངས་ནང་བོད་ཡིག་ཨང་རྟགས་དང་བོད་ཡིག་མཉེས་ཆས་གཅིག་འགྱུར་བཟོས་བྱེད་ཐུབ་ཀྱི་རེད།  ང་རང་ཚོའི་བོད་ཡིག་ཆ་འཕྲིན་ཅན་ལ་འཛུགས་སྐྲུན་བྱེད་ཆེད་རྣམས་པ་གསར་པ་ཞིག་ལ་གཏོད་ཡོད།

Windows Vista ནང་གི་བོད་ཡིག་ནང་འཇུག་བྱེད་སྟངས་དེ་ནི་བོད་ཡིག་མཐེབ་གཞོང་བཀོད་སྒྲིག་རྒྱལ་ཁབ་ཚད་ལྡན་གཞིར་བཟུང་ནས་ཇུས་འགོད་བྱེད་པ་ཞིག་རེད།   Windows Vista ནང་བོད་ཡིག་སྲོན་རྒྱུན་དཔར་བཏབ་ཀྱི་ཡིག་གཟུགས་ལ་གཞིར་བཟུང་བའི་བོད་ཡིག་ཡིག་གཟུགས་ཞིག་འདོན་ཡོད་རེད།  Windows ཡིག་གཟུགས་བེད་སྤྱོད་བྱེད་སྟངས་ལ་རྟེན་ནས་མ་འདྲ་པའི་བོད་ཡིག་ཡིག་གཟུགས་ཆར་རྗེས་མྱུ་གུ་འབུར་ཐོན་བཞིནའདོན་ཡོང་པ།  བོད་ཡིག་བེད་སྤྱོད་གནང་མཁན་གྱི་བོད་ཡིག་ཡིག་གཟུགས་སྣ་ཁ་གཅིག་གཉིས་ལས་བེད་སྤྱོད་བྱེད་བ་མེད་པ་ཡང་མིན་པ།

བོད་ཡིག་ཡི་གེ་མ་འདང་བའི་གནས་ཚུན་ནི་ད་ལྟ་བོད་ཡིག་ཡི་གེ་བཀོད་སྒྲིག་རྒྱུད་ཁོངས་ཡོད་ཚད་ནང་གི་གནས་དོན་ཚབས་ཆེན་ཞིག་ཡིན་པ།  

དེར་བཤད་དགོས་པ་ཞིག་ནི། Windows Vista  ནང་བོད་ཡིག་ཡི་གེ་མ་འདང་བའི་གནས་ཚུལ་མེད་པ།   བོད་ཡིག་ཡི་གེ་གང་འདྲ་ཞིག་དང་སཾ་སྐྲ་ཏ་ཡི་གེའི་འབབས་འབྲིས། ཐ་ན་བོད་ཡིག་མིན་པ་ཡང་སཾ་སྐྲ་ཏ་ཡི་གེ་འབབས་འབྲིས་མིན་པའི་ཡེ་གེ་ཚང་མ་ལས་སླ་པོ་ཐོག་ནས་ནང་འཇུག་དང་སྒྲིག་གཅོད་བྱེད་ཐུབ་པ།

Windows Vista ནང་གི་བོད་ཡིག་རྒྱུད་ཁོངས་གསར་གཏོད་བྱེད་དུས་བོད་པ་རྩིས་འཁོར་མཁས་ཅན་གྱིས་རོགས་རམ་ཤུགས་ཆེན་གནང་པ་རེད།

 

 

Copyright  ©  2017  yalasoo!   All rights reserved.






གཡས་ཀྱི་ཡིག་གཟུགས་དེ་ཚོ་Windows ནས་ལྟ་དགོས།


 

 

Tsumachu 
Betsu 
Uchen Sutung 
Drutsa 
Uchen Sarchen 
Uchen Sarchung 
Chuyig 
Uchen Suring 
Tsutong 
Dunhuang 
Edict 
Title 
Subtitle 
Art 
Woodblock 
Horyig 
Tsuring